نرخی كه‌شتیه‌كه‌ی سه‌دام حوسێن سی ملیۆن دۆلاره‌

له‌ سایتی ره‌نگار وه‌رگیراوه‌

رۆژنامه‌ی "ده‌یلی تێلگراف"ی به‌ریتانیا بڵاویكرده‌وه‌: كه‌شتیه‌ گه‌شتیارییه‌كی سه‌دام حوسێن- ی دیكتاتۆری پێشووی عیراق كه‌ له‌ ساڵی 1981دا له‌لایه‌ن چه‌ند پسپۆڕێكی دانیماركیه‌وه‌ بۆی دروستكرابوو، خراوه‌ته‌ بازاڕه‌وه‌و نرخه‌كه‌شی سی ملیۆن دۆلاره‌.
به‌گوێره‌ی رۆژنامه‌كه‌، ئه‌و كه‌شتییه‌ شوێنی نوێژكردن و ئاوده‌ستی تایبه‌ت و گه‌رماوی زێڕین و  ساوناو ژوری حه‌وانه‌وه‌ی تێدایه‌و كه‌ به‌پێشكه‌وتووترین ته‌كنۆلۆژیای سه‌رده‌م ئاماده‌كراون.
هه‌ر له‌و كه‌شتیه‌دا ژووری یاریكردن و مه‌له‌وانگه‌و ته‌له‌فزیۆنی جۆری  LCD له‌ هه‌موو ژووره‌كان و شوێنی نیشتنه‌وه‌ی فڕۆكه‌و بنكه‌ی ته‌ندروستیشی تێدایه‌.
رۆژنامه‌كه‌ ئاماژه‌ی به‌ بوونی چه‌ندین رێگای نهێنیش  كردووه‌ بۆ چوونه‌ ده‌ره‌وه‌ له‌ كه‌شتیه‌كه‌ كه‌سه‌دام له‌كاتی پێویستدا كه‌ڵكی لێوه‌رگرتووه‌و روونیشیكردۆته‌وه‌:  په‌نجه‌ره‌ی كه‌شتیه‌كه‌ به‌ماده‌ی گوله‌نه‌برِ دروستكراوه‌